'Or ellys off necessyte
Line 5892
Yt muste algatys voyde a-byde:
Thy sentence me lyst nat hyde.' [[to hyde St.]]
Arystotyles Answerde: [Stowe folio 107a]
'Touchyng,' quod he, 'that I ha sayd,
So ye be nat evele apayd,
Line 5896
I wyl afferme the same yit,
I wendë trewly to my wyt.
ffor to speke in wordys pleyn,
That O gret Good most souereyn
Line 5900
Sholde (but yiff my wyt be dul,)
Make a thyng ffor to be ful.'
Sapyence speketh:
'ffor-soth,' quod she, 'thow seyst ryht wel,
And ther-in erryst neueradel.
Line 5904
But yt behoueth (yf thow kanst se,)
That yt mot nedyes gretter be
Than al the world ys off gretnesse;
And than mot folwen in sothnesse,
Line 5908
(Vnderstond, & herkne me,)
That yiff that thyng sholde closyd be [[C. & St.]]
With-Inne the world, (yt ys no drede,) [[C. & St.]]
On som party yt muste excede, [[C. & St.]]
Line 5912
(I dar ryht wel the trouth expresse,) [[C. & St.]]
Or overgon yt for gretnesse.'
Arystotyles: [[St. adds 'Answerd']]
'Certys,' quod he, 'I may nat wel [Stowe folio 107b]
In thys with-sey yow neueradel.'
Line 5916
Sapyence argueth:
'Than her-vp-on,' a-noon quod she,
'In any wyse how myght yt be,
That thys world, so gret in al,
With[in] an herte that ys so smal
Line 5920
Myghte be put, or closyd be?
ffor thannë, off necessyte
Mot nedys folwen, & off Resoun,
The hous or thabitacïoun
Line 5924
Mot be lasse (a preff to wynne,)
Than the thyng yput with-Inne.
Wher vp[on], conclude I may
