'And with-Inne be gret & large. [[C. & St.]]
Wher-vp-on, her I the charge [[C. & St.]]
That thow be-leue yt stedefastly,
And put no doute, but fermëly
Line 5824
Truste ay so, off herte & thouht;
And lokë thow denye yt nought,
But her-on feythfully abyde.
ffor yiff that I (on any syde) [Stowe folio 105b]
Line 5828
Hadde yt mad in other wyse,
Than thow a-forn hast herd devyse,
I haddë, thorgh my neclygence,
Ther-in don ful gret offence.
Line 5832
'But tel me now A-noon, I preye, [prose cap lxxxiii]
And sparë nat, platly to seye
As thow semest in thys matere,
Wych hast repreuyd me so here,
Line 5836
Off myche [[myche St., wych C.]] thyng, nat yore agon,
Trowest thow answere A-noon,
That nat a-cordeth with resoun.
A vessel, hows, or mansïoun
Line 5840
May be lasse (& her I gynne)
Than the thyng that ys with-Inne.
'But ffyrst I axe, to voyde al stryff,
Sawh thow euere, in al thy lyff,
Line 5844
Off manhys [[mannys St.]] herte the quantyte? [folio 87a]
Answere A-geyn; tel on, lat se!'
Arystotyles Answereth:
'Certys,' quod he, & that ful blyth,
'I haue yt seyn ful offtë syth.'
Line 5848
Sapyence axeth:
'Thanne,' quod she, with-outë slouthe,
'Declare to me the verray trowthe;
Syth thow halst thy sylff so wys, [Stowe folio 106a]
How gret ys yt, to thyn avys.'
Line 5852
Arystotyles answereth:
'Sothly,' quod he, 'I dar expresse,
As touchyng the gretnesse,
Yt ys but smal vn-to the sihte;
ffor ther-with-al, vnnethë myghte,
Line 5856
An hungry kyte (& do no wast,)
