'May, off lytel, ha plente.
'And for thys causë ryht a-noon [prose cap lxxv]
Dame Charyte ys forth gon
Line 5488
Vn-to thys lady Sapience;
And with humble Reuerence,
As she sat in hyr Royal Se,
Lowly, thys lady Charyte
Line 5492
Prayede hyr good heed to take, [folio 82a]
To helpë that thys bred wer bake.
And she goodly, and that a-noon,
fforth with Sapience ys gon;
Line 5496
And, as she koudë best deuyse,
Temprede yt in swych a [[swiche St.]] wyse,
Made yt gret with-oute mesure,
To yive al folkys ther pasture,
Line 5500
Suffycyént to feden al,
Thogh to thy syht yt was but smal
Outward, as in résemblaunce,
Yet, by souereyn suffysaunce,
Line 5504
Closyd in a lytel space,
Ther was so gret plente of grace
To al the world, in hábondaunce,
Ther-in to fyndë suffysaunce.
Line 5508
'Tak heed, & be nat neclygent
Off a-nother experyment
That ther was wrouht; tak ek good hede,
In the makyng off thys bred, [Stowe folio 100a]
Line 5512
Yt was ywrouht so sotylly
That in euery smal party,
Severyd and ybroke asounder,
And departyd her & yonder,
Line 5516
Grettest & smal, Rekne echon
Wer lych off vertu, & al [[alle in St.]] on;
Off O power & O manere
As whan yt was hool and entere.
Line 5520
The wychë [[whiche St., wych C.]] thyng (I the ensure,)
Yplesede [[Plesede St.]] nat to dame Nature;
ffor she was wroth therfor with me,
And ther-on wolde ha vengyd be.
Line 5524
She knew ther-off no thyng at al,
