'Verray hote, (& no-thyng cold,)
Wher-as she caste hyr for to bake.
'And whan she gan hyr past to make,
Line 5448
Al tournede nat vn-to hyr pay,
Wher-off she haddë no desmay,
Off thylkë past wych that she wrouhte. [Stowe folio 99a]
& A-noon she hyr be-thouhte
Line 5452
(Among, in al [[Amonge / alle St.]] her besynesse,)
Off on that was a gret maystresse,
So sotyle off dyscrecyoun
Was nouther founde in borgh nor toun; [folio 81b]
Line 5456
ffor what men thouhte, or wolde haue don,
She koude yt brynge about a-noon: [[St. & C.]]
Lernyd [[Stowe]] she hadde, in hyr contre,
At scolys [[Stowe]] ther she haddë be.
Line 5460
Thogh al hyr konnyng wer nat wyst,
She koude haue mad, yiff that hyr lyst,
Al the world so large & Round,
And al the compas off the ground,
Line 5464
ffor tashet [[to have shut]] & closyd al
With-Inne a sotyl boyst, but smal;
And off An Ey with-Inne the shelle,
She koude also (I dar wel telle,)
Line 5468
Ha put an Oxë strong & large;
ffor yt was, no maner charge
To hyr gret magnyfycence;
And hyr name was Sapience.
Line 5472
'And, for hyr gret sotyllyte,
Thys lady, callyd Charyte,
Prayede hyr, off goodlyhed,
ffor to helpë [[helpen St.]] make thys bred
Line 5476
Off the fflour wych that she brouhte;
And also lowly hyr be-souhte
To tempre the past so sotylly,
That yt myghtë fynally,
Line 5480
Off Resemblaunce be but smal; [Stowe folio 99b]
And that yt myghte suffyse at al
(By vertu, verrayly in dede)
Al thys worlde to fostre & fede,
Line 5484
That ech, off lowh & hih degre,
