'Made to growen vp thys greyn,
Tyl yt was rype & ful off corn.
'Than Charyte yt hath vp shorn,
Line 5408
And in a placë wonder straunge
She made yt leyn vp in hyr graunge,
Tyl the thressherys (with gret hete)
Hadde thys greyn ythrysshe & bete;
Line 5412
And after fannyd yt so clene
That ther was no chaff ysene,
And the strawh yleyd a-syde;
ffor ther ne myghtë nat a-byde
Line 5416
Husk nor chaff, but puryd greyn,
Nor, no thyng that was in veyn,
Al mad [[Alle made St.]] nakyd off entent, [folio 81a] [Stowe folio 98b]
Out off hys olde [[olde St., old C.]] vestëment.
Line 5420
'And whan yt was so ffer ywrouht,
Thys greyn was to the mellë brouht,
And groundë ther with ful gret peyne
Line 5423
A-twyxe the hardë [[harde St., hard C.]] stonys tweyne.
And yiff I shal the sothë [[sothe St., soth C.]] telle,
The sëyl-yerdys off the melle,
Wych tournedë abouten offte,
Wer clad in cloth that was not soffte.
Line 5428
'Tys [[This St.]] melle ek (yiff thow canst espye,)
Wyth falsë wyndës off envye,
(Wher as yt stood vp-on the grounde,)
Tournede euere aboutë Round;
Line 5432
And the Grynstonys (that I off spak)
Mad ful hardë for the wrak,
Wer stonys off derysïouns;
Off skorn, & fals illusïouns,
Line 5436
The wych two (who kan aduerte)
Perceden ful nyh the herte.
'And whan no thyng was lefft at al,
But that yt was ygroundë smal,
Line 5440
Charyte gan neyhen ner,
And wolde be-come a pasteler,
Lych a baker, (yt ys no drede,)
Off that flour to make her bred.
Line 5444
And hyr Ovene was of old
