Ne shewe to the but wyn & bred; [Stowe folio 97a]
By ther engyn, hih nor lowe,
Thow ne shalt noon other knowe.
Line 5328
'Thy ffourë wyttys set a-syde,
And lat heryng be thy guyde;
ffor, thys .iiij. [[ffoure St.]] in sothfastnesse
Kan nor may ber no wytnesse.
Line 5332
Wher-for thow mustest, for the beste,
Abyde on heryng, and ther reste;
ffully truste to hys sentence;
Yiff feyth to hym, & ful credence;
Line 5336
ffor heryng shal, with-outë slouthe,
Teche to the, the pleynë trouthe,
Ryght as yt ys, ne doute yt nouht.
'And conceyue wel in thy thouht,
Line 5340
Thys releff (yiff thow kanst take hede,)
Ys pleynly nother wyn nor bred,
But the flessh (yiff feyth to me,)
That heng vp-on the roodë tre,
Line 5344
And, by force & verray strengthe,
On the croos was drawe alengthe, [folio 80a]
fful streyhtly nayled on the rood;
And thys ys ek the verray blood,
Line 5348
On goode ffryday that he shadde,
Whan Iewës to the deth hym ladde,
Wher-off he was steyned reed.
Line 5351
¶ Thow mayst also call yt [[calle yt St., callyd C.]] bred,
Thys same releff, (with-outë stryff,)
The verray sothfast bred off lyff.
Wych susteneth (I the ensure,)
Al the world with hys pasture,
Line 5356
And yiveth to hem in substaunce [Stowe folio 97b]
Verrayly ther sustenaunce.
¶ And ek also (thys myn vsage,
Ther-off to han thys language,
Line 5360
Looke thow take good heed ther-to,)
I calle yt bred, & name yt so; [Hic est panis qui de celo descendit.]
Wych, for manhys [[mannes St.]] savacïoun,
ffro the heuene kam a-doun,
Line 5364
To ffedë man her verrayly.
