And sayde, he hadde hys pray ykauht
In venery, amyd the feld.
'But, Ysaak no thyng be-held,
Line 5288
ffor he was dyrkyd off hys syht,
And gretly feblyd off hys myght,
ffor Touch & smellyng wer agon;
And Ysaak wende euére in on,
Line 5292
That Esau haddë be present.
But Rebecca, off entent,
Sentë Iacob in hys name; [Stowe folio 96b]
ffor in hyr herte she hadde a game,
Line 5296
Esau, to settë abak.
'But thys oldë [[olde St., old C.]] man Ysaak—
The patryark of gret vertu,—
Took Iacob for Esau, [[Took / Iacob / for / Esau]]
Line 5300
In touch, in tast, & in smellyng,
In syghte also; but hys heryng
Was hym be-lefft, hool & entere.
And thus he sayde, as ye shal here:
Line 5304
'The voys of Iacob semeth me;
Off Esau, the handys be;
I here Iacob speken wel;
But the handys that I fel,
Line 5308
The handys ben off Esau.'
'Consydreth now how the vertu [folio 79b]
Off Touch, & tast, smellyng, & syht [prose cap lxxiii] [[St. & C.]]
Haddë pleynly lost hys myght; [[St. & C.]]
Line 5312
The force off heryng stylle a-bood; [[St. & C.]]
With Isaak, ryht so yt stood. [[St. & C.]]
¶ By wych exaumple, tak good heed
ffor profyt off thyn ownë speed,
Line 5316
Off thys fygure that I ha told;
Lefft vp thyn eyen & be-hold:
Avaunce the nat, nor mak no bost,
ffor thy .iiij. [[ffoure St.]] wyttys thow hast lost.
Line 5320
Ther myght, ther force, ar fro the weyved;
Yiff thow truste hem, thow art deceyved;
ffor Tast nor touch in no degre,
Nor nó thyng that thow kanst se,
Line 5324
Nor thy smellyng (tak good hed,)
