At O dyner, to my delyt,
To fulfylle myn appetyt.'
Line 5208
Grace Dieu answerde,
'I leue ryht wel,' quod Gracë Dieu, [prose cap lxxii]
'Touchyng thys merveillous vertu,
Thow hast gret nedë for to lere;
But herkene now, & ley to here,
Line 5212
I shal the techë verrayly
The pryvyteës, by & by,
Bothe by evydence & preff.
'Thys ylkë vertuous releff,
Line 5216
Som whyle (who yt vnderstood)
ys ynamyd flesshe & blood,
And som tymë (tak good heed,)
Yt ys ycallyd wyn & bred,
Line 5220
Goostely mete & goostely foode;
To pylgrymës that be goode,
fflessh & blood yt ys no doute;
Bred & wyn shewyd with-oute,
Line 5224
Al be yt so (yt ys no dred,)
That yt to-forn was wyn and bred,
As thow knowest wel certeyn; [[in certeyn St.]]
But Moyses (no thyng in veyn)
Line 5228
Vp-on hys table (as yt stood)
Hath tournyd yt to fflessh & blood.
Thys ys trewe, & verray soth; [Stowe folio 95b]
Wher-off nature was ryht wroth;
Line 5232
Anger made hyr hertë ryve,
And ther-vp-on gan with me stryve:
She knewe no ferther (thys, the ffyn)
But that yt was ay bred & wyn.
Line 5236
'Thow shalt wel knowë how that she
Sawh nat the gretë pryvyte, [folio 78b] [[C. & St.]]
ffor lakkyng off dyscrecyoun, [[C. & St.]]
Off thys ylke mutacyoun, [[C. & St.]]
Line 5240
But [[Stowe]] I the chargë ther I stonde,
That flessh & blood thow vnderstonde,
And so beleue yt verrayly,
And lat nat meue the outwardly,
Line 5244
Thogh that yt shewë outward so
