And yet nat had (to my plesaunce)
Halff A repast of suffysaunce.
And yet, the pylgrymes euerychon
Sayde & affermede, On by on,
Line 5172
That they fonde swych fulsomnesse, [folio 77b]
And so plentuous largesse [[C. & St.]]
As they yt tooke by good leyser [[St. & C.]]
At that merveyllous dyner, [[St. & C.]]
Line 5176
That to euerych (in ther guyse) [[St. & C.]]
A lytel dyde ynowh suffyse.
And euerych (in especial)
Line 5179
Was ther fulfyllyd with ryht smal [Stowe folio 94b]
Ther-with, myghty mad, & [[and made St.]] stronge.
Wher-vp-on I gan ful longe, [prose cap lxxi]
And thouhte (A-mong hem euerychon)
Myn vnderstondyng was agon
Line 5184
ffor lak off wyt in gret dystresse,
And forcloudyd with dyrknesse.
Reson was hyd, so semptë me,
That I kowde hyr nowher se;
Line 5188
In al that place, I sawh nat tho,
No whyht I myhtë speke vn-to,
Save Gracë Dieu, wych ther abood,
And to-for the Table stood
Line 5192
Off Moyses; & off entente,
Vn-to hyre a-noon I wente. [[6 lines blank in MS. for an Illumination.]]
The pylgrym askede.
'Ma dame,' quod I, 'I ha gret nede
That ye wolde, off goodlyhede,
Line 5196
And off your gret excellence,
Shewen to me som evydence
How yt myghtë shewyd be,
That so lytel quantyte
Line 5200
Off thys releff (in any wyse)
Myghte of resoun ynowh suffyse [folio 78a]
To so manye as ben here?
ffor, ma dame, (& ye lyst lere,)
Line 5204
Swych ten in quantyte [Stowe folio 95a]
Wolde nat suffysen vn-to me
