And mad a ful conclusioun
Off hyr speche & hyr sarmoun,
Pylgrymes hem puttë fast in pres
To-ward the table off Moyses;
Line 5092
Conveyed ech in ther degre
With parfyt pes and Charyte,
And with verray répentaunce,
Confessïoun, & ek penaunce.
Line 5096
Pylgrymës alle off good entente,
To Moyses they hem presente,
As they myghte hem redy make,
And, the releff off hym take
Line 5100
fful devoutly off assent. [folio 76b]
And Gracë Dieu was ay present [[C. & St.]]
Whan they, with gret deuocyoun, [[C. & St.]]
Took yt in ther entencyoun, [[C. & St.]]
Line 5104
And with a clenë conscience. [[C. & St.]]
But I sawh ther in presence,
Somme pressen to the table
That wer vnworthy & vnhable;
Line 5108
Wych held hem-sylff fer out asyde,
And fro Charyte gan hem hyde,
And fledde also fro dame Penaunce;
And yet hem-sylff they gan A-vaunce,
Line 5112
Off boldënesse al shamëles, [[shameles St., shamles C.]]
ffor to receyve off Moyses
The releff, wher as he stood.
The wychë thouhtë [[whiche thoughte St., [folio 93a] ; wych thouht C.]] nat but good;
Line 5116
ffor he, off clene affeccïoun,
Gaff yt with-oute excepcïoun
(Off the plente that he hadde,) [Stowe folio 93b]
To pylgrymës good & badde,
Line 5120
ffor he noon hede ne dydë take.
But they retournede foul and blake,
I menë, swych that of boldnesse
Tokë yt nat in clennesse,
Line 5124
As they ouht ha done off ryht;
Swych wer foul & blake of syht
Lychë [[Lyche St., Lych C.]] to a colyers sak.
ffor in hem-sylff was all the lak
Line 5128
