'With many gyfftys off gret prys,
Wych ye shal kepe, yiff ye be wys,
As I ha told in ech estat;
ffor pes devoydeth al debat,
Line 5052
Wher yt abydeth parfytly.
'But I shal telle the causë why
That I me puttë fyrst in pres [[prees St., pes C.]]
Atwyxë yow & Moyses,
Line 5056
And the table wher as he stood.
ffor me-thouht yt was nat good [Stowe folio 92b] [prose cap lxviii]
That noon off yow, in no degre,
Sholde a-proche with-outë me
Line 5060
To claymë part (thys, the cheff)
At hys table, off the releff
But I my-sylff wer ther present.
'And ek the saydë testament, [folio 76a]
Line 5064
That I ha told off in substaunce,
And yiff ye haue in remembraunce [[C. & St.]]
Dame Penaunnce yow toldë so, [[C. & St.]]
Yiff ye took good hed ther-to,
Line 5068
With-outen hyrë, thys the ende [[thende C., St.]]
Ye be nat hable for to wende
To the table off Moyses.
And but ye haue ek parfyt pes
Line 5072
With yow echon, & also me
Wych am ynamyd Charyte,
Ye be vnworthy & vnhable
To ha the releff off hys table.
Line 5076
ffor yt were a presumpcïoun,
And a gret transgressïoun,
To neyhen ner, or to be bold,
Or to clayme (as I ha told)
Line 5080
Off that releff most specyal,
Wher-off ech part ys on & al,—
Ther ys ther-in no dyfference;—
And therfor, lat be noon offence
Line 5084
In yow, vp-on no maner syde,
But that aforn ye yow provyde,
As I the charge haue on yow leyde.'
And whan Charyte hadde al sayde, [Stowe folio 93a] [prose cap lxix]
