'Ye most ha pes & vnyte,
Sych ys ytokenyd by the .p.
And ys yset fyrst off echon.
'And that ye sholdë be al on,
Line 4976
Thexaumple techeth yow ful wel,
(Yiff ye consydren euerydel,)
How ye bothen, in O lyne
Stonde, & may yt not declyne.
Line 4980
Lyneally, yt ys noon other,
As brother verrayly to brother,
Nature wyl that yt so be,
Hih and lowh, off o degre,
Line 4984
Bothë tweyne ymade lyche;
The porë man & ek the ryche,
At the gynnyng, as ye shal lere,
Al forgyd wern of O matere,
Line 4988
Touchyng ther ffyrste orygynal,
And bothë tweynë be mortal;
The Ton, the tother, in certeyne
They be but wermës bothë tweyne,
Line 4992
And they ne kan hem sylffe nat kepe, [folio 75a] [[C. & St.]]
But that they shall to erthë krepe; [[C. & St.]]
When that deth doth hem assaylle. [[C. & St.]]
'ffor what ys worth, or may avaylle, [[C. & St.]]
Line 4996
A feloun herte or hardynesse, [[C. & St.]]
Daunger, despyt or sturdynesse, [[C. & St.]]
Nat may socoure vp-on no syde, [Stowe folio 91b]
Line 4999
Ther deynous port, ther gretë [[grete St., gret C.]] pryde,
Yt may hem done noon avauntage,
ffor al shal passe By o passage,
And by on hole off gret streihtnesse;
Powerte & ek rychesse,
Line 5004
Al goth O way, bothe gret & smal;
Excepcïoun ys noon at al,
To helpyn in thys streihtë nede.
'Wherfor euery man take hede,
Line 5008
Thorgh pryde to be nat rekkëles,
Thys rychë Iowel callyd pes,
To kepe yt wel, & lese yt nouht.
'And euery man, in herte & thouht
Line 5012
