And tavoyden hys contrayre.
Verryly in portrature
Ye shal sen her the ffygure.
Line 4904
The portrature off pes to make,
'ffyrst ye shal a squyre take,
A Squyre off a carpenter;
And ye shal vsë thys maner:
Line 4908
ffyrst, to done your bysynesse,
The Ton ende vp-ward to dresse
Hih a-lofftë, ryht as lyne;
And ferthermor to détermyne,
Line 4912
The tother endë lower doun,
So that (in conclusïoun)
The Angle corner in your syht,
Wych Ioyneth the Endys lynë ryht;
Line 4916
In wych corner (yiff ye lyst wyte,)
Ther ys in soth An 'A' ywryte.
Than lynealy, yiff ye descende
Doun vn-to the lower ende,
Line 4920
Ye shal fyndë wryte A, 'P,' [folio 74a] [[St. & C.]]
And alderhyest ye shal se [[St. & C.]]
In that ende An 'X' yset; [[St. & C.]]
And whan thys lettrys ben yknet, [[St. & C.]]
Line 4924
Ioyned in on, who kan espye,
Parfyt pes they sygnyfye. [[6 lines blank in MS. for an Illumination, no doubt. The figure here is from the Stowe MS., leaf 90.]]
And overmor, thys lettrys thre [Stowe folio 90b] [prose cap lxv]
Ar tooknys, that in vnyte
Line 4928
He sholde ha verray loue & pes,
With thre thyngës doutëles.
He that hath pocessïoun
Off thys Iowel, most off Renoun,
Line 4932
And he to whom Cryst hath yt take,
Sholdë kepë for hys sake
Pes wih euery maner whyht.
