'To plete for hem, & pleës [[plees St., ples C.]] holde
To-for myn ownë Ffader dere,
In al ther nedys fer & nere,
Line 4864
Ther to ben her aduocat.
And (tavoyden al debat.)
I shal for hem be swych a mene,
Off synne to putte away the tene, [Stowe folio 89b]
Line 4868
The tenys off eternal wo.
'And my pes, I gyue also
To al the world in hábondaunce,
Wherby they may hem sylff avaunce
Line 4872
And ffraunchysen at the beste,
Therby euere to lyve in reste,
In perfyt Ioyë ay tabounde,
Yiff the ffautë be nat founde
Line 4876
In them sylff, for lak off grace
Yt to refuse for ther trespace:
ffor, in pes ay to perséuere,
So ffayr a gyfftë gaff I neuere,
Line 4880
My sylff except, vn-to no man,
Syth tymë that the world be-gan.
ffor who consydreth, & loke wel,
Pes ys the parfyt Iowel
Line 4884
That al Rychessë doth transcende.
Verray pes doth ek amende [folio 73b] [[C. & St.]]
Al vertues that men kan nevene; [[C. & St.]]
And pees was fyrst wrought in heuene, [[C. & St.]]
Line 4888
Off thylkë souereyn Carpenter [[C. & St.]]
That syt aboue the sterrys cler, [[C. & St.]]
That forgyd fyrst, (who lyst look,) [[C. & St.]]
With-outen any noyse or strook:
Line 4892
Strook nor noyse maken no pes,
But they yt brekë doutëles.
'Wherfore, As semeth vn-to me, [prose cap lxiv]
Yt ys good that the exaumple be
Line 4896
Off pes yput in Rémembraunce,
Wych ys the ground off al plesaunce.
And off thys pes, by good Reson,
That ther be shewyd a patrovn,
Line 4900
To knowe the verray exaumpleyre, [Stowe folio 90a]
