'And to Seyn Iohan I leve also,
That he may han perséueraunce
To sen me in my gret suffraunce;
Line 4824
ffor, he ys my frend certeyn,
And so am I to hym ageyn
ffrendly, off verray kyndënesse,
Wych ys not meynt with doubylnesse.
Line 4828
'My blood, I quethe ek for Raunsoun
To al that haue [[that haue St., thaue C.]] compassïoun
Off my deth, & ek of me,
And off the grete aduersyte
Line 4832
That I endurë for her sake.
To allë swych my blood I take,
That kepe hem clenë out off synne, [Stowe folio 89a]
Therby that they may hevene wynne
Line 4836
Ageyn al persecucyoun
Off the ffendys temptacïoun;
Ageyn hys myght hem to provyde,
The largë wonde vp-on my syde
Line 4840
Al hope, [[Oope St., open]] I geue hem to refut.
'To with-stonde hys fellë sut,
As champyouns with hym to stryve,
My wondys I geue hem alle fyve;
Line 4844
The grete karectys, brood & Reede,
To plete for hem whan they ha nede,
I make ther vocat of my blood;
And thogh ther causë be nat good,
Line 4848
With synne Apeyred, & trespace, [folio 73a]
Ther-by that they may getë [[gete my St.]] grace,
Only of mercy & [[and off St.]] pyte
Reconcyled ageyn to me,
Line 4852
A-noon, as they ha répentaunce,
And Amende hem by penaunce,
And preye to me in ther dystresse,
ffor to graunte hem forgyffnesse.
Line 4856
'And to save hem fro meschaunce,
I [[And St.]] makë ek an ordynavnce
Lawës to be rad & songe,
Compyled off myn ownë tonge,
Line 4860
Wych I be-quethe to yong & olde,
