I be-quethë enterly
My soule vn-to my Fader dere,
That syt above the sterrys clere,
Line 4784
Yt to kepen & conveye,
And to governe yt in the weye
Whan yt shal descendë doun
In-to the dyrkë [[dyrke St., dyrk C.]] mansyoun
Line 4788
Off the foulë pyt of helle,
Wher as fendys euere dwelle,
My frendys ther to fette a-way,
Wych ha be ther se many day,
Line 4792
To delyvere hem out off wo.
'And my body, I quethe also
To the sepulkre, for dayës thre,
Wych Ioseph hath mad for me.
Line 4796
Wych Body I leve also
To trewe pylgrymës that her go,
As thyng that most may hem avaylle
Hem to releue [[Rereleve St.]] in ther travaylle;
Line 4800
As cheff Repast, hem to sustene
In ther vyage ageyn al tene.
Myn herte I quethe (ek of entent,) [Stowe folio 88b]
To all that my comaundëment
Line 4804
Kepe, to ther power feythfully,
And my statútys enterly.
'My Moder, I leue to Seyn Iohan,
To be a-vaytyng euere in on
Line 4808
Vp-on hyre, in al the smerte
That she shal felyn at hyr herte,
Whan she me seth in gret mescheff,
Lad to my deth-ward as a theff; [folio 72b] [[C. & St.]]
Line 4812
Wych shal thorgh hyr hertë blyve, [[C. & St.]]
Sharper than any swerd y-Ryve, [[C. & St.]]
And maken hyre in Terys drowne, [[C. & St.]]
And offtë sythës for to swowne [[C. & St.]]
Line 4816
Off verray moderly pyte: [[C. & St.]]
But than shal Iohan hyr socour be
In hyr lamentacïouns,
ffor trouble off my passïouns,
Line 4820
To coumforte hyre in al hyr wo.
