In to his hand hys spyryt take. [[St. & C.]]
'Al thys I made hym, for your sake, [[St. & C.]]
Line 4744
Tenduren off entencïoun,
To makë your redempcïoun [Stowe folio 87b]
That wer for synnë lost echon.
And to helle I made hym gon,
Line 4748
To fette hem out that ley ther bounde,
The devell [[Devellys St.]] power to confounde,
Wych hadde grevyd man so sore.
'And I shal telle yow euermore,
Line 4752
How thys kyng most souereyne,
To-forn hys passïoun & peyne,
And hys tormentys wonder stronge,
Or he the deth sholde vnderfonge,
Line 4756
He fforgate nat off entent
ffor [[Stowe]] to make hys testament.
The formë ther-off to endyte,
He calledë me yt to wryte:
Line 4760
ffor to make the formë bettre,
My sylff wrot yt, euery lettre
And namyd yt (yt ys no les,)
'The trewë testament off pes.' [Testamentum pacis.]
Line 4764
Wych to-for yow alle I brynge,
That ye may ha knowelychynge
What maner thyng ther-on doth sue,
And what to yow ther-off ys due,
Line 4768
I wyl yow reden the sentence,
Yiff ye wyl yiven audyence.
Lo thys yt ys, herkneth echon,
As I shal her rehers A-noon.
Line 4772
The testament off Cryst Ihesu.
I, Ihesu, sone of Marye, [Stowe folio 88a] [prose cap lxiii]
Wych namyd am (with-outë lye)
Trouthe, Sothfast lyff, & weye, [folio 72a]
Now to-forn or that I deye,
Line 4776
The deth off whom ys ful certeyne,
And how I shal endurë peyne;
But to-forn, of good entent
I wyl mak my testament.
Line 4780
'And fyrst off allë, wylfully
