'And other, that folk haue in despyt, [folio 71a]
Hem to cherysshe, ys my delyt;
Line 4704
I ffeedë folk that hongry be,
And parte with hem off my plente;
And vysete hem that lyggen seke,
And dwelle with folkys that be meke;
Line 4708
And for no cost I do not spare,
To be glad off the welfare
Off euery other maner whyht,
As off myn owne of verray ryht.
Line 4712
'I am she that paciently
Kan suffren, & benygnëly [Stowe folio 87a]
Allë sorwës wel apese.
And I am she that kan done ese,
Line 4716
Al hevynesses to recure.
And I am she that set no cure
Off grucchyng nor detraccïoun;
ffor thys ys my condicïoun,
Line 4720
Harm to spekë neueradel,
But, off ech man to sey wel,
Wych I holde a gret vertu.
¶ And yiff he haue off Cryst Ihesu [prose cap lxii]
Line 4724
Any maner Rémembraunce,
I made hym for to ha plesaunce
Off mercy, as I rehersë kan,
ffor louë to be-kome A man,
Line 4728
And taken your humanyte,
And suffren, by humylyte,
Deth for your sake, & passïoun;
Made hym fro hevene kome A-doun,
Line 4732
And suffren ek (as yt ys founde,)
To a pyler to be bovnde,
And tendure (that Lord most fre,)
With sharpë thornys crownyd be,
Line 4736
And sprede hys Armys on the rood,
And for your sakë shede hys blood;
And to a croos to be ek nayled, [folio 71b]
And doun therby hys blood yraylled [[C. & St.]]
Line 4740
To-forn, be-hynde, & euery cost, [[C. & St.]]
And to his Fader yelde hys goste, [[C. & St.]]
