'Moste afftér-ward hym repente;
And havë duë répentaunce
And vnderfongyn hys penaunce
Line 4548
ffor hys synnës newe & old.
And ther-fore, thys yerde I holde,
Wych namyd ys (of iuste resoun,)
Trewë satysfaccyoun.
Line 4552
'And sothly, (yiff I shal nat feyne,)
Satysfaccyoun ys to seyne,
Asseth that ys mad for synne,
And that a man haue with-Inne [folio 69a]
Line 4556
As myche sorwe & répentaunce, [Stowe folio 84b]
As he haddë fyrst plesaunce,
Lyk to hys flesshly appetyt,
Or in hys synnë fals delyt.
Line 4560
Off equyte & good resoun.
'Now haue I made yow A sarmoun [prose cap lx]
Off my name & myn offys,
And told the cause (yiff ye be wys,)
Line 4564
Off my komyng A-mong thys pres,
A-twyxë yow & Moyses,
And sette me ek (yt ys no fable,)
Evene Aforn hys ownë table,
Line 4568
In myn entent, & thys the cheff,
Be cause ye Axen the releff
Off hys dyner, on & alle
And ther-affter fastë calle,
Line 4572
With wonderful gret bysynesse.
'But vn-to yow I shal expresse
The causë off my stondyng here
Yiff yt lykë yow to lere.
Line 4576
I am my-sylff the porteresse,
(Maad off verray Ryghtwysnesse,)
Off the releff that ye sen her,
And the trewë chaunceler,
Line 4580
That noon of hih nor lowh degre,
Kome no ner with-outë me,
ffor thanne ye dydë gret offence.
ffor thys releff, in éxistence
Line 4584
Sholde be yovë for no thyng
