With dyllygence & gret labour,
With terys and lamentacïoun.
'And I [[I, om. St.]] ha most affecïoun,
Line 4428
At thys gatë to abyde;
To make yt fayr on euery syde,
I purge, I swepe, I make yt clene, [prose cap lviii]
ffor fylthë noon I may sustene
Line 4432
Ther tabyde, in no manere. [Stowe folio 82b]
And whyl that I am chaumberere
To Gracë Dieu, my maystresse,
I wyl kepen in clennesse
Line 4436
Hir dwellyng & hyr mansïoun
ffrom al manere corrupcïoun.
And my bysme, that al thys doth,
Ys myn ownë Tonge, in soth,
Line 4440
Wher-with I swepe & make al wel.
That felthe abydë neueradel,
Hih nor lowh, in no maner,
I cerche eche Angle & ech corner;
Line 4444
Euery hoolë, gret & smal, [folio 67b]
I remewe, in éspecial, [[C. & St.]]
Clene with-outen & with-Inne, [[St. & C.]]
The fylthe of euery maner synne; [[St. & C.]]
Line 4448
Caste hem out, & sparë nouht. [[St. & C.]]
And ther ys no corner vnsouht,
But that I go to euery place;
Now her, now ther, aboute I trace,
Line 4452
By verray pleyn confessïoun,
With-oute fraude or decepcïoun,
Ther may no thyng me skapë fro,
ffor Gracë Dieu wyl yt be so.
Line 4456
ffor she ne wyl no-wher abyde,
But yt be clene on euery syde;
Whos chaumbre & whos mansïoun,
Dwellyng, & habytacïoun
Line 4460
Ys trewly, (with-oute offence,)
Verray clenë conscïence;
And ther she wyl abyden ay,
Whan all fythës be put a-way, [Stowe folio 83a]
Line 4464
And that yt be clene & entere.
