And Gracë Dieu ys ek maystresse,
That ther be .vj. [[syxë]] Gatys large,
Wych to kepe, ys a gret charge,
Line 4388
As I shal to yow descryue.
'And off thys syxë, ther be fyve
By wych al maner vnclennesse,
ffylthe, ordure, and wrechchydnesse
Line 4392
Entreth in, erly & late.
Off wych fyve, the fyrstë [[ffirst St.]] gate
Ys callyd the gate off smellyng,
The tother the gate off heryng,
Line 4396
The tother of Touch, the fourthe of tast,
The ffyffthe (wych I rekne last,)
Callyd ys the gate off syht.
And by thys fyvë, day & nyht,
Line 4400
Entreth in-to that mansïoun
Al felthe & al corrupcyoun
And al ordure (yt ys no doute), [Stowe folio 82a]
The wychë [[whiche St., wych C.]] may nat comen oute
Line 4404
Ageyn by hym [[hem St.]] in no manere,
And therfore, As a chaumberere,
The syxtë gate I stonde & kepe, [prose cap lvii]
And with my bysme fastë swepe, [folio 67a]
Line 4408
Do my peyne & besynesse
Tavoyde away al vnclennesse.
'ffor thys syxtë gate, in soth,
Gret helthe & gret profyt doth;
Line 4412
ffor yt maketh purgacioun
Off al maner corrupcioun;
And al fylthës round aboute,
By that gate men putten oute.
Line 4416
Who that wyl with-Innë be
Clene off al dishoneste,
To purge hym clene, as he best kan.
Thys gate ys callyd 'the mouth off man,'
Line 4420
Most profytable off euerychon,
for allë fylthës ther-out gon,
Evene as they wer done in dede;
No thyng concelyd for no drede,
Line 4424
But seyd vn-to hys cónfessour,
