On hepys reysyd hih a-loffte
Line 4348
In som Angle, Est or West,
The wych thyng wer nat honest.
'And to purpos off thys matere,
In holy wryt, (as ye shal here,)
Line 4352
I have y-rad ful yore Agon
Off dyvers gatys mo than on,
And sondry namys, (who taketh hede)
They haddë sothly as I rede,
Line 4356
Gaate [[Gaate St., Graate C.]] off the welle, men dyde on calle; [Porta fontis]
And a-nother, A-mong alle,
As the byble kan yow telle,
Namyd was the gate of helle. [Porta inferni]
Line 4360
And A-nother I kan nevene,
Callyd was the Gate off hevene; [Porta celi]
And a-nother gate ther was,
That was callyd the gate off bras,
Line 4364
And also ek, to lastë long,
Ther was a gate of Iren strong. [Porta ferrea]
But A-mong hem euerychon
Neëmye speketh of on,
Line 4368
And callyd ys in scripture
The gate off felthe & ordure, [folio 66b] [[C. & St.]] [Porta Sterquilinij]
To voyden ['For ther-bi men curen and putten out alle filthes.'—Camb. p. 35.] (In conclusïoun) [[C. & St.]]
Alle the fylthës of the Toun; [[C. & St.]]
Line 4372
Out by that gatë, day be day, [Stowe folio 81b] [[C. & St.]]
Alle the donge to lede away, [[C. & St.]]
That no maner corupcyoun [[C. & St.]]
Nengendre nat with-Inne the Toun.
Line 4376
And bet yt ys, as thynketh me,
That thylkë place defoulyd be,
Than al the cyte wer encoumbryd
Wyth ffylthës, wych may nat be noumbryd
Line 4380
Wych euery day encresse off newe,
And mor & mor ay do renewe.
'But wher that I am chaumberere,
And abyde, (as ye shal lere,)
Line 4384
ffor to do my besynesse,
