'And thus, yiff ye take hede a-ryht,
Line 4308
Thys the sygnyfycacïoun
And verray exposicïoun
Off thys hamer that ye her se;
The wych ys namyd, ek off me,
Line 4312
(Trewly, in conclusyoun,) [Stowe folio 80b]
Nat ellys but contrycïoun.
'Swynge vp-on, yiff ye lyst lere, [prose cap lvi]
Off the bysme ye shall here,
Line 4316
Wych, myd my teth, [[Tethe St.]] day by day,
With-Inne my mouth I bere alway,
As I to-forn ha told yow here;
And how I am the Chaumberere
Line 4320
Off hym that ys most myghty kyng.
And thys bysme ys wel syttyng
To hyre that ys a chaumberere.
But yt may happë, the manere
Line 4324
Ys vn-to yow a thyng vnkouth,
That I yt holde thus in my mouth.
But yiff I madë mencyoun
Off the Exposycïoun,
Line 4328
Ye knowë wel, (yt ys no doute,)
That who that [[so St.]] euere shal casten eute
Any felthe or vnclennesse,
Out off a placë, he most dresse [folio 66a]
Line 4332
The bysme wysly to and fro,
That he nat be-sydë go;
But that he hauë ay in mynde,
That felthë noon be leffte be-hynde,
Line 4336
Lyst, in the purgacïoun,
Men myghten han suspecyoun
That any maner vnclennesse,—
Thorgh slouthë or foryetylnesse,—
Line 4340
Wer lefft be-syden, her or ther,
In any Angle or Corner,
ffor the bysme was nat redy [Stowe folio 81a]
To swepë clenë by & by.
Line 4344
ffor, by swych occasïoun,
Ther myghte, of felthë gret foisoun
Be couert, as yt happeth offte,
