'Yiff yt ther-in be wasshë wel.
Line 4148
And for thys skyle, in my wasshyng,
I am vn-to the myghty kyng [folio 63b]
Callyd sothly the 'lavendere,'
And also ek hys 'chaumberere,' [[C. & St.]]
Line 4152
In thys offyces bothë two, [[C. & St.]]
'Now vnderstondeth ek also, [prose cap liii]
That thys hamer I ber with me
ffor thys skyle, as ye shal se,
Line 4156
Yt fareth, by a synful man,
(Who so vnderstondë kan,)
As by A Pot (in sothfastnesse)
That ys ful of vnclennesse,
Line 4160
Verray stynkyng & horryble,
And to smellë ful odyble,
Wych may nat wel devoyded be, [Stowe folio 78a]
ffor-as-myche (as ye wel se)
Line 4164
The fylthe ys hardyd so with-Inne,
That yt wyl not lyhtly twynne,—
Off old gadryng ful indurat,
And in maner obstynat,—
Line 4168
To be made clene in any wyse.
But than anoon I kan devyse
Myn hamer myghtly tavale, [[to avale, let fall]]
And breke the pot in pecys smale;
Line 4172
And on the felthë to be wreke;
On smalë sherdys I it breke.
'And fyrst off allë I begynne
To drawe the felthë hyd with-Inne
Line 4176
Out, to make yt shede a-brood,
Wych with-Inne so long a-bood,
And al the ordure ek with-al.
And yiff I broke yt nat so smal
Line 4180
On pecys vp-on euery syde,
The fylthe with-Innë wolde abyde,
And mor & mor ay wexyn hard.
'Now vnderstond, & hath reward [prose cap liv]
Line 4184
To thys doctryne & thys lesson
Touchyng verray contrycioun,
Ye that desyre of herte & thouht [folio 64a]
