'But whan that I the hamer took,
Line 4108
I smet hym so with répentaunce,
And made hym nesshë with penaunce,
That the Iews, off hys wepyng
Yssede out in cómpleynyng
Line 4112
Of verray sorwe & bytternesse, [folio 63a]
He felt ther-off so gret dystresse
In hys greuous hertly peyne.
'And also Mary Mawgdeleyne,
Line 4116
With thys hamer I smot [[smote St.]] so
That hyr herte I rooff a-two,
Wych was ful hard with synnës old.
But with strokys manyfold
Line 4120
I made hyr tendre, (yt ys no doute,)
That the terys yssede oute,
Out off hyr brest, so gret plente,
That men myghte the lycour se
Line 4124
By hyr chekys renne a-down
Off verray sorwe, so gret foysown,
That, in hyr bytter sorwës kene,
She was wasshe with-al so clene,
Line 4128
And so inly purefyëd,
That ther was no felthe espyed [Stowe folio 77b]
Off synne with-Inne hyr tendre herte.
ffor, whan the bytter terys smerte
Line 4132
Off hyr wepyng wer Ronnë down
Thorgh sorwe & gret contrycïoun,
I took vn-to hem so gret kepe,
That I hem gadrede on an hepe, [[hepe St., hep C.]]
Line 4136
That ordure lefftë noon be-hynde.
And I to-gydre dyde ham bynde—
Al that euere they wrouhte a-wrong,—
And make ther-off a lyë strong,
Line 4140
That ther-with-al (I yow ensure,) [[Stowe leaves out these two necessary lines, [folio 77b] ]]
I wasshe a-way al ordure. [[Stowe leaves out these two necessary lines, [folio 77b] ]]
ffor who so lyst consydre & se,
So gret a synnë may non be,
Line 4144
But that the lye off répentyng
Doth yt a-way in wasshyng,
And maketh yt clene euerydel,
