But that she myght spekë wel:)
Line 4028
'Syrs,' quod she, 'I wot ryht wel [prose cap lii]
That ye consydren euerydel
My gouernaunce & myn aray.
But I wot wel, (yt ys no nay,)
Line 4032
Ye nat aduerten in substaunce
Touchynge al my gouernaunce.
I trowe ye kan nat al espye
What thyng yt doth sygnefye.
Line 4036
But, kometh ner to me echon,
And I shal declare A-noon
To yow the maner by & by, [folio 62a]
And yt exponë feythfully,
Line 4040
Off the trouthe my sylff taquyte. [Stowe folio 76a]
'I am the ffayre, louyd but lyte;
Off my port, demur And sad,
Debonayre, & gretly drad [[sadde . . . dradde St.]]
Line 4044
Off felë folkys that me se.
And trew[e]ly I am ek she
Now-a-dayës lytel preysyd,
And yet ful worthy to be reysed
Line 4048
Off prys, to folkys that be dygne;
Rygerous & ful benygne
To allë that be vertuous;
Happy also, and ryht Ewrous,
Line 4052
The gracyouse, of smal [[smal St., syn al C.]] plesaunce,
I am callyd Dame Penaunce.
The cheff wardeyn (who lyst se,)
Off thylkë ylë most secre;
Line 4056
The wych (who espyë kan,) [Verba Translatorys]
Ys yhyd with-Inne a man.
I make yt clene (I yow ensure,)
Off allë fylthe & al ordure,
Line 4060
Or ther-yn entre any whyht.
Therfore I bere, off verray ryht,
Thys bysme; Thys hamer, ek ther-to,
And thys lytel yerde also,
Line 4064
On al felthës [[Fylthes St.]] to be wreke.
With thys hamer I brose & breke,
Lyk to my condycyoun
