'That I off yow (yiff ye take hede,) [[C. & St.]]
Sholde haue any maner nede [[C. & St.]]
Line 3876
Among my gretë werkys alle, [[C. & St.]]
But only whan me lyst yow calle.
'And many a thyng I haue ek wrouht,
To wych I ne callede yow nouht.
Line 3880
Yt nedede nat the caas so stood:
And I shal chaungë wyn to blood
With-oute your counsayl or your red, [Consilium meum stabit, & omnis voluntas mea fièt. Ysaye. 46o [10].]
And in-to Rawh flessh, ek whyt bred,
And brown also, whan that me lyst,
Line 3885
Thogh off yow yt be nat wyst.
'The cause ys, [[as St.]] in conclusïoun,
Off thys ylke mutacïoun,
Line 3888
At myn ownë lust yt dresse;
And ellys ne wer I no maystresse,
But yiff I haddë lyberte
To don al thyng that lyketh me
Line 3892
With-outë labour at myn ese,
Wych sholdë yow nat dysplese,
Thogh I do thyng (tak hed her-to,)
Wych your-sylff ne may nat do;
Line 3896
Therof ye sholden ha dysport,
And in your hertë gret coumfort,
As of the bussh, wych to the syht
Sempte as yt hadde brent ful bryht,
Line 3900
And brent nat, as I ha sayd;
Wher-of ye sholde be wel apayd,
And thank me of entencïoun [Stowe folio 73b]
Only for the savacïoun,
Line 3904
Rather than chyde, or [[and St.]] lowdë crye
Off rancour & maléncolye,
Off hast to be so Rekkëles.
'And off the yerd of Moyses
Line 3908
And off Aaron, wher-on ye pleyne;
And off that Maydë souereyne, [[C. & St.]] [folio 60a]
Mayde & moder in clennesse, [[C. & St.]]
Off chastyte the cheff pryncesse,
Line 3912
Wych bar a chylde in verray dede,
And kept alway hyr maydenhede;
