'(Off Iustyce and equyte),
ffor thát ye holde, ye holde of me.
Line 3756
ffor long agon, a gret partye,
I gaff to yow (of curteysye)
To occupye your sylff alway,
Off entent that, nyht nor day,
Line 3760
That ye sholde nat ydel be,
And that ye sholde, a-geyn to me
Yelde accountys off euery thyng
Touchyng the fyn of your werkyng,
Line 3764
As a chamberere (in sothnesse) [folio 58a] [[St. & C.]]
Sholde vnto hire mayst[e]resse. [[St. & C.]]
And therfore, yiff ye wer wys, [[St. & C.]]
Ye sholdë nat in your avys [[St. & C.]]
Line 3768
Speke of boundys in no degre [[St. & C.]]
Set be-twyxë yow & me.
The boundys cónstreyne your party;
But, for al that, I go frely
Line 3772
Wher that me lyst, at lyberte:
They boundë yow, & no thyng me;
Close yow out, that ye nat passe;
But I go fre in euery place;
Line 3776
In heuene, in erthe, & in the se
I boundë yow, & ye not me.
Wer yt offendë yow or greue,
I take of yow no maner leue,
Line 3780
To go & medle wher I shal: [Stowe folio 71b]
Ye ha no thyng to do with al.
'I do ryht nouht in my werkyng
But as yt ys ryht wel syttyng
Line 3784
Off equyte & ryhtwysnesse.
ffor she that ys a mayst[e]resse
Muste haue a seruaunt hyr to-beye: [[to obeye]]
I trowe ye kan yt not with-seye.
Line 3788
And ye ouht to know ek wel [prose cap xlvi]
That ye ha power neueradel
With-outë me, on no party.
I wyl shewë good skyle why,
Line 3792
Vp-on the wordys that ye ha sayd,
So ye wyl nat ben euele apayd.
