'But to the frut that he hath founde,
And the Acornys on the grounde,
Line 3716
ffor to fille [[Fylle St., felle C.]] hys hongry mawe.
ffor he, in hys swynys lawe,
Off hys rudnesse bestyal,
Ne kan no ferther se at al
Line 3720
Toward the hevene, nor the tre
Wher he receyveth hys plente,
That bar the frut for hys repast,
Al that ys from hys myndë past; [Stowe folio 70b]
Line 3724
ffor to the acorn al only,
And to hys ffoodë fynally
Ys [[Yt St., Ys C.]] set hys herte & al hys thouht;
ffor he in soth ne recchet nouht [folio 57b] [[St. & C.]]
Line 3728
Off alle the surplus neueradel. [[St. & C.]]
'And trew[ë]ly ye may ryht wel [[St. & C.]]
Vn-to thys swyn resembled be, [[St. & C.]]
Wych kan not be-holde or se, [[St. & C.]]
Line 3732
Nor of malys, nor dysdeyn, [[St. & C.]]
Lyst nat knowen in certeyn
Off whom ye han al your power
With-Inne your boundys, fer or ner.
Line 3736
With-outë me ye ha no thyng; [[St. & C.]]
Nor al your crafft nor your werkyng,
With-outë me may nat avaylle.
Yovr werkys alle I sowbpowaylle,
Line 3740
And hem supporte, yif ye ha mynde.
'Vndoth your Eyën [[Eyen St., Eyn C.]] dyrk & blynde,
The Eyen of yovr entendëment;
And, by good avysëment,
Line 3744
The lyddys off your Eye vncloseth!
Knoweth wel (and nat supposeth)
I am lady, hool & entere;
And ye be but my chamberere:
Line 3748
Thys shal ye fynde al openly
Yiff ye looke avysëly.
Leve your wordys hih aloffte,
And lerneth for to spekë soffte,
Line 3752
And Renounceth al your rage; [Stowe folio 71a]
ffor ye sholde me don homage
