'Other folk, that wysë bene,
Mot forbern hem in her tene,
Line 3676
Be-cause they kan hem nat [[nat hem St.]] gouerne;
And ek for they kan nat dyscerne
A thyng clerly in ther entent.
ffor ther trouble, entendement
Line 3680
Ys with Ire yblynded so, [Poeta. [St., C. om.) Ira impedit animum, ne possit cernere verum.]
That they wot nat what they do.
To sen a trouthe, they nat entende,
ffor they kan nat comprehende,
Line 3684
Thorgh ther obstynat blyndnesse,
No thyng but off wylfulnesse:
It [[It St., I C.]] stondeth thus, I dar assure. [prose cap xlv]
'But tel me now, damë Nature,
Line 3688
Touchyng that ye, her in thys place,
Rebukë me off my trespace,
And vndernemen and repreve, [[C. & St.]]
And outragously your-sylven greue [folio 57a] [[C. & St.]]
Line 3692
Off offencys I scholde ha do;
And affermen ek also,
Your fraunchysë to avaylle [Stowe folio 70a]
Off boundys & off botaylle:
Line 3696
I menë thus, of boundys set,
By mesour tryed out & met
A-twyxe the ryht of yow & me,
And seyn, 'A-geyn your lyberte
Line 3700
That I dydë gret offence
To entre, & hadde no lycence,
In-to your gardyn al to sone,
Vnder the cercle off the moone,
Line 3704
Wych to yow allone ys fre.'
I pray yow, answere ageyn to me,
(Say the trouthe, so God the [[yow St.]] saue!)
Off whom holde ye that ye haue,
Line 3708
Your lordshépe & euery del?
Ye Resemble (who lokë wel,)
Vn-to the wyldë swyn savage,
Wych that renneth in hys rage
Line 3712
In the woodys large & grene,
And ne kan no ferther sene
