'But that ye han thus turnyd bred
Line 3556
In-to Rawh fflesshe at your dyner,
In preiudyce off my power,
To forbarre me of my ryht,—
Wher hadde ye power outher myght [prose cap xlii]
Line 3560
To werkë so ageyn my lore?
I may suffren yt no more.
I ha forboor yow many day, [[a day St.]]
And suffryd ek (yt ys no nay,)
Line 3564
Wrongys that ye ha do [[done St.]] to me.
I not by whos auctoryte,
That ye, by your gouernauncys,
My custommys & myn ordynauncys—
Line 3568
Ageyn Resoun and al [[alle St.]] skyl—
Ye han ytournyd at your wyl.
I haue hem wel in Rémembraunce,
With euery maner cyrcumstaunce.
Line 3572
'ffyrst, contrayre to myn entent,
The busshe affyre, & nat brent, [Exodi 3o capitulo]
How ye yt made ful longe ago.
And I remembre wel also
Line 3576
Off Aaron & of Moyses,
How that ye, ageyn my pes,
Ther yerdys, bothë [[bothen St.]] old & drye,
Ye maden, thorgh your maystrye,
Line 3580
The Toon a serpent (ys yt nat so?) [Stowe folio 68a]
In presence of Kyng Pharaoo;
The tother, ye made wexe al grene [folio 55b]
With frut & levys, (thus I mene,) [[C. & St.]]
Line 3584
Budde and blosme, with many flour, [[C. & St.]]
To myn vnworshepe & dyshonour, [[C. & St.]]
Ageyns nature, at the leste. [[C. & St.]]
And ye tournede, at the feste
Line 3588
Off on callyd Architeclyn,
Water also in-to good wyn.
And also many A-nother thyng,
Thorgh your wonderful werkyng
Line 3592
Ye han ywrouht ageynys kynde.
'And o thyng cometh now to mynde,
Wherwyth ye dyde myn hertë tene,
