But to Nature the trouthë [[trouthe St., trouth C.]] telle,
And sendyn hyre to be A-wreke
Line 3329
To Grace Dieu, with hyr to speke,
With cher boystous, wordys nat ffayre,
Vnto whom she ys contrayre.
Line 3332
ffor she hath, (yiff I shal not lye,) [[Grace Dieu St.]]
Off pryde only, & surquedye,
Lyft the custom & vsage,
And off nature the passage
Line 3336
Transcendyd pleynly, & the boundys;
And in dede, ek yt founde ys [folio 52a]
That she hath, of force & myght, [[St. & C.]]
Broke hyr franchyse & hyr ryht.'
Line 3340
The Pylgrym:
And whan Resoun hadde told me thys,
Sche A-noon retournyd ys
In-to hyr tour vp hih ageyn.
And thanne A-noon, vp-on the pleyn [prose cap xxxix]
Line 3344
I sawh a lady off gret age,
The wych gan holden hyr passage
Towardys Gracë Dieu in soth,
And off hyr port I-rous & wroth,
Line 3348
And hyr handys ek of pryde [Stowe folio 61a]
Sturdyly she sette a syde.
Hyr Eyen ek (I took good hede,)
Brennyng bryht as any glede;
Line 3352
Wonder large off hyr feature, [[Stature St.]] [(Feature = make, build)]
Trowynge that she was Nature:
And so she was, thys lady old,
ffor Resoun hadde vn-to me told
Line 3356
Hyr maner and condycioun.
And, to myn inspeccïoun,
Sche was redy for to stryve,
ffor Anger dyde hyr hertë Ryve
Line 3360
Atweyne, in purpos for to chyde;
Hyr handys set vnder hyr syde.
And vn-to Gracë Dieu A-noon
Thys oldë [[olde St., old C.]] lady ys forth gon;
Line 3364
And Rudly fyrst she gan abrayde,
And vn-to Gracë Dieu she sayde:
