Wych lawe (as I vnderstood,)
Bad men they sholde ete no blood. [Cave ne sanguinem comedas. St., om. C.]
But Moyses—in hys entent,
Line 3253
Contrayre to that comandement,
To helpyn hym Among hem alle,— [[6 lines blank in MS. for an Illumination.]]
Grace Dieu be-gan to calle;
Line 3256
And she kam forth A-noon ryht.
And ther I sawh a wonder syht,
Mor merveyllous than euere aforn
I hadde seyn syth I was born.
Line 3260
ffor ther I sawh, (as I took heed,)
In-to Rawh fflesshë, tornyd bred;
Grace Dieu ordeynede yt so.
And wyn (I took good heed ther-to,)
Line 3264
Was tornyd ek in-to Red blood.
The wych (so as I vnderstood,)
Sempte of a lambe, as thouhtë me.
And, as A man curteys & fre,
Line 3268
Hys offycerys he gan calle, [folio 62b] [[Moyses St., om. C.]]
And bad they sholdë komen alle [folio 51a] [[St. & C.]]
Vn-to dyner; & ek hem tolde
The maner hooly how they sholde
Line 3272
Han myght & power enterly
ffor to maken al redy
The dyner al so wel as he,
At duë tyme, in ther degre.
Line 3276
And as they weryn at dyner,
To hem he gaff pleynly power
To maken (in conclusïon)
That merveyllous mutacion,
Line 3280
Bred in-to flesshe, wyn in-to blood.
And off that foode (I vnder-stood)
He Gaff to etyn to hem alle
(Wych to-forn he dydë calle,)
Line 3284
Thys newë metë most vnkouth,
Mynystrng yt in-to ther mouth.
With hem, hym-sylff he heet also,
And of the blood he drank ther-to.
Line 3288
I sawh yt with myn Eyen cler.
