'Wych aboue gouerneth al,
Line 3212
That gaff to hem ther power with
Predicamentum ad aliquid.
They tooke yt (who consydereth al)
Off hys gyffte in especyal;
Line 3216
And whan hym lyst, (yt ys no nay)
He may ageyn take yt away, [Stowe folio 61b]
Whan that he seth tyme & place.
ffor thyng that grauntyd ys off grace
Line 3220
May be Restreyned [[St., restey . . C.]] efft ageyn
In many caas, be wel certeyn.
And thogh thow haue no swyche power,
Thow sholdest, with al thyn herte enter,
Line 3224
To Ihesu Cryst, in thyn entent,
Thanke of that he hath the sent;
fferther nat medle than thyn offys;
ffor I holde, he ys nat wys,
Line 3228
That in medlyng ys mor large
Than the boundys of hys charge.'
Off the Sacrament off the Awhter:
And whan thys lady, Dame Reson, [prose cap xxxvii]
Touchyng myn oppynyon,
Line 3232
Hadde declaryd vnto me,
Ryht forth-with I dydë se,
(As I be-held tho douteles,)
That the hornyd Moyses
Line 3236
Shope hym Ryght as any lyne
To make redy & go dyne,
And hys mete ek redy make.
And tho, good heed I gan take
Line 3240
How hys mete (pleynly to deme,) [folio 50b] [[C. & St.]]
Was other than yt dydë seme; [[C. & St.]]
And off ó thyng, as I took heed, [Stowe folio 62a] [[C. & St.]]
Ther was no thyng but wyn & bred, [[C. & St.]]
Line 3244
The wych wer nat to hys entent; [[C. & St.]]
ffor tho he haddë gret talent
To etyn fflesshe, in hys delyt,
And blood ek in hys appetyt,
Line 3248
ffor to dyfface the oldë [[olde St., old C.]] lawe,
And the Ryytys ther-off with-drawe;
