Astonyd myn oppynyoun.
ffor yiff ther be Relacyoun
Yfoundë there, I dar wel say
That yt ys ystole a-way.'
Line 3096
1Resoun Answereth. [folio 48b]
Resoun answerde ageyn to me:
'Take heed / and vnderstond,' quod she,
'The Formere off the high hevene,
And maker / off the Sterres Sevene1 [[1_1 [Stowe folio 59a] ]]
Line 3100
Hath so ordeyned / allë thynges, [[C. & St.]]
That they shal, in her meuynges, [[C. & St.]]
Holden ther cours / swyfft or soffte, [[C. & St.]]
Lyk as the bodyes hih a-loffte, [[C. & St.]]
Line 3104
Lyst ordeynë, (who kan knowe,) [[C. & St.]]
So that erthly thyngës lowe [[C. & St.]]
Receyvë dysposicyons [[dysposiciouns St., dys . . sicyons C.]]
Off hem, & ek impressiouns,
Line 3108
To be gouernyd (in sentence)
Affter the hevenly influence,
Dyversly, ech in hys kynde,
Who [[Stowe]] the causys kan out fynde
Line 3112
Off [[Stowe]] ther dyuers mocyouns
Thorgh naturel Inclynaciouns. [[Stowe]]
¶ Yet for al thys, yt lettyth nouht,
But that the Lord, wych al hath wrouht,
Line 3116
Hath lordshepë sovereyne,
What hym lyketh to ordeyne,
As the Lord most pryncypal
With-outen any mene at al:
Line 3120
In heuene, Erthe, or in the se,
So as hym lyst, yt mustë be.
Off hevenly bodyes cyrculer,
He stant no thyng in ther daunger;
Line 3124
But he may do, thys myghty kyng,
What-euere hym lyst, in hys werkyng,
hih a-loffte, & her don [[dovn St.]] lowe,
Thogh the hevene no-thyng knowe
Line 3128
The Influence of hys power, [Stowe folio 60a]
Wych ys so myghty & entér,
That no whyht may yt comprehende
