Thow sholdest ther-with do ryht nouht.
ffor yiff the trouthë be wel souht,
Line 2976
Thow hast yt nouht in thy demeyne
No thyng for to part at-weyne, [[in tweyne St.]]
Nouther to keruë nor to smyte.
And shortly, (yiff I shal endyte,)
Line 2980
Bet wer to the, Touchyng swych werk,
To kepe yt cloos in the skauberk
Than folyly thy-sylff to bolde,
Out off the skauberk yt to holde;
Line 2984
ffor ffolkys woldë deme off ryht,
Ther-off whan they hadde a syht,
Yt wer no wysdom, but foly,
And a maner Surquedy, [folio 47a]
Line 2988
Whan they be-heldë euerydel,
The keyes nat closyd vnder seel, [[seell St., el C.]]
Syth thow (with-outen any glose,) [prose cap xxxv]
Mayst nouther shettë nor vnclose,
Line 2992
Yt longeth nat to thyn offys. [Stowe folio 57b]
'ffor wych, lernë to be wys,
And se how they wer taken cloos,
And vnder seel in thy depoos,
Line 2996
Knet & boundë faste & strong,
That thow with hem ne do no wrong.
Thy power ferther doth nat strecche,
Wher-off thow sholdest no thyng rechche,
Line 3000
Yiff thow wer wys, as semeth me.
'And Tak also good heed, & se,
Off al that I to-forn ha sayd:
Thow sholdest be ryht wel a-payd
Line 3004
Off thy power, & nat ne stryve,
Thogh thow neuere in al thy lyve
Haddest no lordshepe mor at al.
And for to speke in specyal,
Line 3008
Yt ouhte ynowh to the suffyse,
As I shal to the devyse,
Thy-sylff for to gouerne a-ryht, [Nota. St.]
Dyschargyd off euery other whyht.
Line 3012
Than artow prudent, doutëles;
And for thys skylë, Moyses,—
