With-outen other (yt ys no drede).
'By wych exaumple (who taketh hede,)
Lordshepe ys sayd especyally
Off seruauntys; & ek trwly
Line 2940
Seruauntys also namyd be
Off lordshepe, in ther degre.
And thus ys sayd, (haue thys ther-wyth,)
Predicamentum ad aliquid.
Line 2944
ffor eche off other hath gynnyng,
And ys on other dependyng.
Whan the Ton ys, than ys the tother;
ffor yt ne may nat be noon other;
Line 2948
Whan the Ton faylleth, ek also
They muste ffayllë bothë two.
¶ Vnderstond wel thys lesson,
How thou [[How thou St.]] art in subieccyon; [Camb. MS. continues: subiecte to oothere and thou hast no subiect. Thi souereyn, what euere he be, p. 21.] [folio 46a] [prose cap xxxiv]
Line 2952
Consydre how thow art ysett [[St. & C.]]
Vnder a-nother, and soget [[St. & C.]]
To hym, and mvstest hym obeye [[St. & C.]]
Wych hath also (I dar well saye) [[St. & C.]]
Line 2956
Vpon the(e) Iurediccyon,
Power & domynacyon,
As thy souereyn, what-euere he be.
'But o thyng deceyveth the:
Line 2960
Thow hast no sogetys as hath he;
ffor wych thyng (consydre & se,)
Thow fayllest & art put a-bak.
And in swych caas, thow hast gret lak [Stowe folio 57a]
Line 2964
To haue the swerd, bryht and cler,
Commyttyd vn-to thy power,
Out of the skawberk, yt to vse.
Yt wer but veyn for the to muse
Line 2968
Ther-vp-on, or gruchche ageyn.
'The keyës also in certeyn,
Thow mayst nat han hem, nor possede
But vnder seel, (yt ys no dred.)
Line 2972
The swerd also, (yt ys no dovte,)
Yiff that yt wer drawen oute,
