That I to-forn haddë nat seyn
Line 2860
Som other folk yboundë so,
In cas semblable as I was tho;
Thynkyng (in myn entencyoun)
That I woldë to [[wolde vnto St.]] Resoun
Line 2864
Holden my way, off hyre tenquere,
And the causë iustly lere
Off al thys thyng, for mor certeyn;
And thus she Answerde me ageyn:
Line 2868
Resoun Answerd:
'My ffayrë ffrend,' a-noon quod she, [prose cap xxxiii]
'Lych as I consydre & se,
Thy wyt ys blont & dul som del,
That thow mayst nat se ryht wel;
Line 2872
And thogh thow haue at skolë be,
Thow hast nat ther (as semeth me,)
Lernyd gret wyt, nor bore a-way;
And specyaly (I dar wel say,) [Stowe folio 55b]
Line 2876
Thow hast nat lernyd, for al thy wyt,
predicamentum [[Fr. Le predicament]] ad aliquid.
ffor thys predicament, sothly,
Hath hys beholdyng (fynaly) [folio 45b]
Line 2880
Vnto som other maner thyng
Than to hym sylff, as in werkyng
Makyng (in conclusïon, [Il fait son edifiement Sur aultruy tous moult sagement. [Addit folio 9:2] ] ) [[St. & C.]]
Hys ground & hys fundacyon [[St. & C.]]
Line 2884
Vp-on A-nother grounde, in soth: [[St. & C.]]
Thys predicament alway so doth. [[St. & C.]]
ffor what he hath (tak heed, my brother,) [[St. & C.]]
Nat off hym-sylff, but off a-nother
Line 2888
He taketh yt, to be mor strong,
And to no whiht ne doth no wrong.
'And bere a-way thys in thy thouht,
That yt were ytold for nouht,
Line 2892
But he hys power (to speke in pleyn,)
Tooke off A-nother (in certeyn);
ffor off hym sylff yt may not be.
Exaumple I wyl now lernë the
Line 2896
