Wych neuere ys brouht to noon endyng,
Line 2820
As men may offtë sythës se.
ffor yiff the sonys of zebedee
Hadde madd [[made St.]] ther askyng ryhtfully
They hadde ben herd ful hastyly:
Line 2824
Off ther askyng, (as ye may lere,)
And off al that they gan requere,
Yt was ytornyd other wyse
Than they, aforën, [[aforn C., afforne St.]] gan devyse:
Line 2828
In the gospel ye may yt se
And evene lyk yt ffyl of me,
Whan I to Moyses gan gon, [prose cap xxxi]
Besechyng hym that he, A-noon
Line 2832
Woldë graunte, [[graunten St.]] lyk myn askyng,
The swerd and keyes to my kepyng,
Off hem frely to haue vsage,
ffor to kepen the passage.
Line 2836
But whan that he had herd me wel,
He fulfyllede neuereadel
Lych the purpos of myn askyng,
Nor thentent off my thynkyng:
Line 2840
The swerd [[swed C., swerde St.]] he took me in myn hond,
But (as ye shal vnderstond,)
Commyttyd so to my depoos
That yt was alway styllë cloos
Line 2844
In the skawberk, as I ha sayd,
Wheroff I was nat wel apayyd. [[apeyde St.]] [folio 45a]
The keyës also, stronge & wel
Bounde & closyd vnder seel;
Line 2848
And al was don off hih prudence, [Stowe folio 55a]
That I sholde hauë [[haue St., ha C.]] no lycence
To vsen hem at lyberte,
But yiff I hadde auctoryte
Line 2852
ffrom hem that hadden al the charge.
ffor yiff I vsede hem at large
Mor than my power was or ys,
As I was tauht, I dyde amys.
Line 2856
Wher-off I was, ay mor & more [prose cap xxxii]
Abaysshed, & astonyd sore,
And specyally (to speke in pleyn,)
