With-outë yow ther entreth noon,
Nor may in at the gaatys gon,
Line 2748
With-Inne to haue hys mansyoun.
'Seyn Peter (of entencyoun)
Hath mad yow (yiff ye vnderstonde,)
Hys vnderlegatys, ther to stonde,
Line 2752
To kepe the passage & entre;
And at the gatë for to se
Trussellys, ffardellys, in that place.
Or any marchaunt in may passe,
Line 2756
He mvste [Stowe folio 53b] vntrusse hem & vnbynde,
That no thyng be lefft be-hynde.
How sore aforn that they yt close,
ye muste hem make yt to vnclose
Line 2760
By trewë reuelacyon
And enter [[Entere (entire) St.]] confessyon.
'Wherfor tak kep, & beth ryht wys,
And seth to-forn, by good a-vys,
Line 2764
The swerd, the keyës ek also,
How ye ha take hem bothë two;
And lat noon passë, (loketh wel,)
But he vnclosë hys fardel.
Line 2768
And also that ye wel provyde
To cerche hem wel on euery syde,
Thys synful folk, with pakkys large.
Beth besy ay, hem to dyscharge;
Line 2772
And weyeth wysly in balaunce,
Consydryng euery circumstaunce,
By good delyberacyon [folio 44a]
Demynge, in your dyscrecyon,
Line 2776
Your verray name, & what ye hihte.
And consydreth in your syhte,
To dyscerne, in euery place,
Affter the gylt & the trespace,
Line 2780
To chargë synnerys, & constreyne,
Mekly for to suffre peyne,
And enioyne hem ther penaunce.
'And whan ye sen ther répentaunce
Line 2784
Ye may to swych, erly & late,
Opne duëly the gate
