That so ys hurt, as I ha told,
Wherso be he yong or old.
Line 2560
Exaumple off the pereyl off cursyng. [This story is absent from Camb. From l. 2559-2680 (p. 125 MS.) only occupies three lines of Camb. Nor is it in the French of Addit. MS. 22,937, the first version.]
¶ And to purpos in especyal:
Yt fyl that oon offycyal
In-to a gardyn onys wente,
To gadre cheryes off entente,
Line 2564
The fayrest that he koudë se, [folio 41a]
And clamb ful hih vp on A tre.
But shortly, in hys comyng doun,
Yt ffyl thus, (in conclusyon,)
Line 2568
That a braunche hys surplys hente,
And the cloth a-sonder Rente,
Wher-of in hert he wex ful wroth;
And, or he any ferther goth,
Line 2572
Thus he seyde vn-to the tre,
"Now," quod he, "cursyd mote thow be!"
And wente hym forth, fer nor ner, [Stowe folio 50b]
Tyl vn-to the nextë yer,
Line 2576
To gadre cheryssh [[Cheryes St.]] he kam a-geyn,
And found the tre drye & bareyn.
Off wych thyng he wex al sad,
And in hys hertë no thyng glad,
Line 2580
Whan he remembrede how that he
Hadde a-forn cursyd that Tre.
Wher-of he repenteth sore,
And, with-outen any more
Line 2584
He seyde, (or he ferther wente,)
"I the assoylle, in myn entente.
God wot, I mentë no thyng so,
So gretë [[grete St., gret C.]] vengaunce to ha do:
Line 2588
I ha mysdon; for-gyue yt me,
ffor the dyffaute was nat in the.
My-sylff, I may the Rentyng whyte, [[Rendyng wyte St.]]
I knowe yt wel, & the aquyte."
Line 2592
And after the absolucyon
Yt bar cheryes gret Foyson, [[Foyson St., seyson C.]]
