Namly wher they be nat knowe:
ffor he ys a fool, & ffoul hardy,
That, off wenyng & surquedy,
Line 2420
Hasty ys, hym sylff tavaunce,
Off Ire for to do vengaunce,
Or demen by suspecyon
With-oute examynacyon.
Line 2424
'Swyche, I dar wel specefye,
Do nat trewly occupye
The swerd of ryghtful Iugëment.
Thorgh ygnoraunce they be so blent, [folio 39a]
Line 2428
And, as a blynde man, so they werke,
Stumblynge alway in the derke.
Good from evel they kan not chese,
Nor whot [[woot St.]] nat wher to saue or lese:
Line 2432
Redy to hyndren & to deere,
Swychë sholde no swerdys beere,
That kan not knowen evel fro good, [Stowe folio 48a]
Nor whan ys tyme of letyng blood;
Line 2436
Nor, kan nat dyscerne A-ryght—
ffor ygnorance & lak off syht—
At-wexen helthe & malladye;
Nor, a-twen the meselrye
Line 2440
Grettest, smallest, and the mene;
He kan no dyfference atwene
Newë syknesse nor the olde.
'But euery trewë Iugë sholde
Line 2444
Weyen Iustly [[Stowe.]] in ballannce,
Consydren euery cyrcumstaunce [Mout doit ains le iuge entendre 1102 Les circonstances du meffait, Que nul jugement en soit fait. p. 35.]
Off trespacys by avysëment,
Or he yive any Iugëment.
Line 2448
'ffor thys word Glayve, [Camb.: Swerd, as j fynde writen, is clepid departinge of throte, p. 17.] (in sentence,) [Verba translatoris.]
By record off Ianuence
(Thys was nat ful yere agon)
In hys book Catholicon
Line 2452
Seyth, Glayve in French, (& wryteth thus,)
