Me fynde redy, euere in on,
In ther weye with hem to gon,
To conveye hem, whan they ha nede.
'What! wenystow me to possede
Line 2344
Thy sylff allonë, quyt & clene?
Thow art a fool, yiff thow yt wene! [prose cap xxv]
The comoun profyt, fer & ner,
Ys mor than profyt synguler
Line 2348
To be preferryd, as I the telle.
Sestow nat how a comoun welle
Mor avaylleth (who looke wel,)
Than doth A-nother seuerel?
Line 2352
ffor, at a commoun welle, of ryht
May fettë water euery whyht,
Her thrust to staunchen & apese,
And drawe yt at her ownë ese.
Line 2356
Wher-as, a wellë cloos aboute,
Wych for-barreth folk with-oute, [folio 38a] [[St. & C.]]
That no man neyë dar no ner, [[St. & C.]]
Lyst they fellyn in daunger.
Line 2360
'And to purpos to expresse,
I am welle of al goodnesse;
Nat holdë cloos vn-to no wyht,
But vn-to alle (of verray ryht)
Line 2364
I am comwne and plentevous,
And to profyte desyrous
To goode pylgrymes euerychon,
To forthre hem wherso they gon.
Line 2368
'And thogh I be comoun to alle
That vn-to myn helpë calle,
Thow mayst knowe & trustë wel
Thow hast nat lost me neueradel;
Line 2372
ffor ay with the I wyl abyde,
And neuere partë fro thy syde:
As longe as thow hast thè cast
To ben a pylgrym stedëfast,
Line 2376
So long thow shalt nat off me faylle
To helpe in what I may avaylle.'
¶ Affter al thys, I confort took,
That Grace Dieu me nat for-sook,
Line 2380
