'With-outen werre or any stryff;
Line 1968
Off on hert & entencyon,
Neuere to make dyuysyon,
Nor departyng causeles,
With-oute assent of Moysees.'
Line 1972
Affter al thys, A-noon ryht
I sawh hem bothë trouthë plyht,
Hand in hand yboundë faste;
Euere, whyl ther lyff may laste,
Line 1976
So to continuen & endure,
Ther feyth by oth they dyde assure,
ffor euermor: lo her ys al.
And thanne A-noon the offycyal
Line 1980
Ys retournyd in certeyn
Hoom to Moyses ageyn,
Wych stood of entencioun
To here the talkyng of Resoun.
Line 1984
Ther-to he sette al hys entent;
But at the last ther parlement
Yendyd ys, for so gret pres [Camb. MS. reads: But as thei weren . . . speken, a gret cumpany of folk maden cesse here parlement anoon. Bifore Moises thei comen, and maden him requeste that sum seruice in his hous he wolde yiue hem and graunte hem, p. 13.]
Kam a-doun to [[vn-to St.]] Moyses,
Line 1988
Requeryng hym in humble wyse [folio 32b] [[St. & C.]]
To graunten hem somme seruyse [[St. & C.]]
In hys hous, off gentyllesse. [[St. & C.]]
And he full goodly gan hym dresse, [Stowe folio 39b]
As I conceyved with my look, [Stowe folio 39b] [[4 lines blank in MS. for an Illumination.]] [[Sacramentum Ordinis St]]
Line 1993
And a peyre of sherys took, [prose cap xviii]
Merkede [[Markede St.]] hem (I took good heed,)
On foure parteys of ther hed;
Line 1996
And affter that, vp-on the crowne,
To-forn hym as they knelë doun,
Seyng to hem stondyng a-part,
'That God shal be the hoolë part
Line 2000
Pleynly of ther enherytaunce,
As [[Stowe]] ther Rychesse & suffysaunce:
Ther-of they may be wel certeyn.'
