'1Whan thou punysshest by Equyte [folio 28b]
Line 1708
That ther-with-alle thow ha mekenesse
Al-way to drawë by sofftenesse [¶ Ysidorus / Bonus rector est qui in humilitate seruat disciplinam.]
Thy shepe that gon out of the way,
Rather by ffayrenesse than affray.
Line 1712
Whan they retornen home ageyn,
Lat ay thy Charyte be seyn,1 [[1_1 Stowe MS.]]
That yt surmounte thy rygour. [[St. & C.]]
Remembre alle-way at ther Retour [[St. & C.]]
Line 1716
Above al maner other thyng, [[St. & C.]]
Vp-on ther elthe & ámendyng;
Schew hem euer of loue a sygne,
And in thy drauht be ay benygne,
Line 1720
Voyde of rancour & felonye;
Than dostow trewly occupye
The staff wych thou hast on honde.
'ffor thow shalt well vnderstonde
Line 1724
Yt tokeneth (who that kan concerne,)
That thow shalt ther-with governe
The peplys (I dar wel specefye,)
Commyttyd to thy prelacye;
Line 1728
Mak hem passe (thys thy charge,)
The Ryuer of thys world ful large.
Thy [[Thy St., My C.]] staff, to ther a-vauntage
Shal conduite [[conduyte St.]] ther passage;
Line 1732
ffychche the pyk profound & depe
In-to the wawes, hem to kepe.
'And with al thys, thow most take hede
Off plank or breggë, yiff they nede:
Line 1736
Yiff they ffayll, thow shalt on make,
As thow art boundë for her sake;
And for that cause, folkys alle,
Pontifex they doth the calle,
Line 1740
Makyng a breggë, thys to seyne,
The passage that they may atteyne.
Vnderstond wel thys lessoun
Lyke [[Stowe MS.]] myn informacyoun;
Line 1744
¶ Yet ouermore I shal the teche, [folio 29a]
