'Thow wer Eenoynt: thynk ther vp-on [Camb. MS. reads: Bithinke thee that thou were enoynted er thow were horned, and er thow haddest any prikke, and er thow haddest any yerde or staf, And that ouhte michel softe thee whan thow wolt correcte any wyght. thou shuldest not also foryete of whom thow doost the vicarishipe, p. 11.]
Lat yt not fro thy myndë gon [folio 27b] [[St. & C.]]
Line 1636
Which thing, whan thow dost aduerte, [[St. & C.]]
Yt shall nesshe ful wel thyn herte [[St. & C.]]
Whan yt is harde or out of Ioynt, [[Stowe]]
To ponysshe or smytë with the poynt, [[St. & C.]]
Line 1640
Or with thyn hornes to hurtle sore: [[St. & C.]]
Ha this in myndë euer more, [[St. & C.]]
To medle mercy with equyte. [[St. & C.]]
'Remembre also ful wel, and se [[St. & C.]]
Line 1644
That he, of whom thow art vyker,
And chose to be hys offycer, [Erat Moyses vir mitissi|mus. Numerorum 12o(3).]
Was humble, meke, & debonayre,
Charytable, & nat contrayre:
Line 1648
Of whom thow shalt exaumple take,
To-forn [[To forn St.]] or thow thy domys make.
Hornyd [[Hornyd St., MS. torn C.]] he was by apparence,
Nat vsyng hem by vyolence:
Line 1652
Thys was that holy Moyses
That ladde al Israel in pees
Myddys thorgh the largë see;
And with hys yerdë, thys was he
Line 1656
That passedë the floodys raage,
And made hem haue good passage.
'Vnderstondeth thys lessoun,
Ye that han in subieccioun
Line 1660
Peplys vnder your prelacye,
To lerne how ye shal hem guye.
Thogh ye be hornyd to syth [[sight St.]] outward,
Shewe as they wer styff & hard,
Line 1664
Lat hem nat growen in your herte
To make your shep / to sorë smerte.
Thogh ye shewe / out-ward dredful,
Beth in your hertys mercyful, [Camb. MS. reads: And be merciable with-inne, what-euere thow be with oute; Fallas thou miht make heer-inne with-oute misdoinge, p. 11, omitting all between lines 1671 and 1699.]
Line 1668
