'Rudnesse hem doth mor damage
Then [[Thanne St.]] the oynement avauntage;
Harmeth offtë tymës more
To swyche as that be [[as bethe St.]] woundyd sore:
Line 1528
I calle hem rude, that be felouns,
ffers & cruel as be lyouns;
That wyl, [[while St.]] thorgh ther cruelte,
On every thyng a-vengyd be;
Line 1532
Sparë ne for-bere ryht nouht,
They be so vengable in ther thouht.
Swych be no goode surgyens,
Lechys, nor physycyens,
Line 1536
Sykë ffolkys to restore; [folio 26a]
ffor the woundys they hurte more
Thorgh Rudnesse in ther entent;
ffor they mynystre ther oynement
Line 1540
To boystously, & no thing soffte;
Wher-thorgh they hurte & slen ful offte,
Wych affter may nat be amendyd.
And for thys skyle I am descendyd,
Line 1544
Kome to yow in sothfastnesse,
That ye in yow ha no Rudnesse,
Cruelte, nor felonye,
Wych ar douhtrys to envye.
Line 1548
'Beth pytous vn-to folkys woundyd,
Tyl ye han her sorys soundyd,
Debonayre & mercyáble,
Sofftë, goodly, & tretáble.
Line 1552
Thanne, in soth, yt may nat fayll
That your oynementys shal avayll
To sykë folke on euery syde,
That for ther hele on yow abyde.
Line 1556
Remembreth yow vp-on thys poynt,
How ye wer whylom ek enoynt
To bekome mor debonayre;
Nat to be cruel nor contrayre,
Line 1560
But teschewe al ffelonye,
And tavoyde malencolye;
And no vengaunce for to take,
But forgyue for Goddys sake;
Line 1564
