And whil they held ther parlementys [prose cap xv]
And spak ek of ther oynementys, [[6 lines blank in MS. for an Illumination.]]
Line 1492
Ther kam to hem of gret manere
A maydë mek, & humble of chere,
Wych that of entencyoun
Descendede from hyr tour a-doun.
Line 1496
Than Grace Dieu spak vn-to me,
'lo, sestow nat yonder,' quod she,
'Resoun, by hyr sylff allone,
Wych cast hyr for to speke A-noon
Line 1500
To thys folk that thow sest here?'
And she, demur and sad of chere,
Sayde to hem hyre [[St., C. burnt]] fantasye [folio 25b]
With-outen eny [[St., C. burnt]] flatrye
Line 1504
Resoun spak thus: [Camb. MS. reads: She bigan to speke to hem, and seyde with-oute flateringe, 'Lordinges, that thus diuisen and speken of youre oynementes, and holden heere youre parlement of enoynt|inge of oother folk, vnderstondeth now two little woordes that j wole soone haue vnclosed yow. Oynement is,' &c., p. 9.]
'Syrs,' [[Syre St.]] quod she, in goodly wyse,
'That stonden here, [[St., C. burnt]] & thus devyse
Off Enoyntynge [[St., C. burnt]] & oynementys,
And ther-of hold your parlementys,
Line 1508
I pray [[St., C. burnt]] yow that ye nat dysdeyne
To herkne [[St., C. burnt]] off me wordys tweyne,
Wych to tellyn I purpose,
And a-noon to [[St., C. burnt]] yow vnclose:
Line 1512
Oynemente ys a sootë [[soet St.]] thyng,
And ryht vertuous in werkyng,
To woundys cloos, & ope also,
Yiff yt be sofftly leyd therto
Line 1516
Both wyth hand and instrument;
ffor lechys sholden off entent
Soffte handle the soor to seke, [[and seeke St.]]
Yt fyt [[sytte St.]] hem wel to be meke;
Line 1520
To whom a-cordeth no Rudnesse;
They sholde avoydë boystousnesse.
Woundyd folk desyren offte
Off lechys to ben handlyd soffte;
Line 1524
