'Enoynte hym in especyal
As ther leche spryrytual,
Line 1452
Wher thow sest that yt be nede;
And ffeythfully, (yf thow take hede,)
Pylgrymes that travayll in ther way,
Wych passen her fro day to day,
Line 1456
And often in ther passage erre,
And assayllyd byth with werre;
Yt fayllyth not, sory or blythe,
But they be wondyd offtë sythe,
Line 1460
And grevyd with many áventure,
ffro deth that they may not recure;
And at ther ende, thys no faylle,
Whan that deth doth hem assaylle,
Line 1464
They gretly nede thys oynement;
And for thys skyle, in myn entent
I haue take yt in-to thy ward,
Al syke folkys to Reward,
Line 1468
Tenoyntë hem whan they haue nede:
And other oynementys in-dede
I ha reservyd [[Reserved St., reseyvyd C.]] to my kepyng,
Tenoyntë with a newë kyng
Line 1472
By the vykerys of Moyses,
The wych yt makë dout[e]les,
At duë tymë certeynly [folio 25a]
By ther power as wel as I.
Line 1476
ffor sykë folkys euerychon,
And for lechys, as thow art on,
Wych sholdest alway be bysy,
Wel awaytynge & redy,
Line 1480
At the tablys wher we sytte
Whan we etyn, & not flytte; [T [T St.]]
ffor the tav T, taken hed,
Wych thow makest in the [[thy St.]] forhed.
Line 1484
'But I wyth-holdë to ward me
Off custom & of duëte,
The fynal execucyoun,
The vse & mynystracyoun
Line 1488
Off confermyng in the ende:
Take hed now that thow not offende.'
