That I sawh ther, fro me goon,
A foul that was of colour blak;
And in hys lydene [[leene St.]] thus he spak,
Line 1340
Siyyng, [[Cryynge St.]] men herd hym euery cost,—
'I-wys,' quod he, 'I haue al lost;
And fro me now ys taken al
By thys ylke offycyal.'
Line 1344
The pylgrym: [This line in C. and St. comes after l. 1345.]
He hath my clothys fro me Rauht,
And thre tyme he hath me kauht, [prose cap xii]
And in the ryuer plongyd me,
Crossyd, (as men myhte se,) [[5 lines blank in MS. for an Illumination.]]
Line 1348
Enoynted in the stremës colde,
Lyk as Gracë Dieu me tolde:
I fonde she lyede neuer a del.
And whan that I was fayre & wel,
Line 1352
The Ryuer passyd than A-noon,
And thavocaat ek was gon,
Wych only of gent[e]rye
Hadde don to me gret curteysye [folio 23a]
Line 1356
That shal never out of mynde.
Than Gracë Dieu, most good & kynde,
Ladde me forth on [[in St.]] my repayre
To a place ryht inly fayr;
Line 1360
And neuer she madë me to-fore
So goodë [[goode St., good C.]] cher syth I was bore,
Nor wás so benygne of hyr port,
Vn-to me to don confort.
Line 1364
'Now syth,' quod she, 'that yt [[as yt St.]] ys sene,
Thow art wasshe, & made al clene,
And art passyd the ryuer
With-outë pereyl or daunger,
Line 1368
Thyn Enmy fled Out of thy brest,
Wher he aforn hadde made hys nest,
I shal the shewe of gret delyt
fful many thyng for thy profyt,
Line 1372
Yff thow ha lust to lerne of me
Thynges [[Thynges St., Thyges C.]] that I shal techë the,
